Menaxher i lartë i riskut

Qyteti: Prishtinë

Afati i Aplikimit: 25/03/2025 – 25/04/2025

Përshkrimi i detyrave te punës:

• Bën vlerësime të rregullta të rrezikut për të identifikuar rreziqet e mundshme në portofolin e garancisë, operacione, investime dhe kushte të tregut.
• Zhvillon profile të rrezikut për secilën palë, kontribuon në përcaktimin e nivelit të rrezikut të pranueshëm të institucionit dhe ia propozon bordit të drejtorëve për miratim.
• Zhvillon dhe modifikon, sipas nevojës, politikën dhe procedurën e rrezikut të garancisë kreditore dhe rrezikut operacional dhe është përgjegjës për zbatimin e këtyre politikave dhe procedurave në institucion.
• Krijon një mekanizëm për zvogëlimin e gjasave që të ndodhin ngjarje të paparashikuara; 
• Zhvillon kornizën (procedurën) që përcakton: procesin e identifikimit, vlerësimit dhe zbutjes së rrezikut operacional.
• Përgatit raportet përkatëse të nevojshme për zbulimin e hershëm të rreziqeve në portofolin e garancisë dhe rreziqeve operacionale. 
• Monitoron ekspozimet ndaj rrezikut dhe zbaton matjen e rrezikut për të vlerësuar rrezikun në portofolin e garancisë së institucionit.
• Përgatit dhe prezanton raportet e rrezikut dhe pakot e tjera të raportimit për të siguruar monitorimin e duhur të portofolit të garancisë në institucion. 
• Zhvillon treguesit dhe tendencat kryesore të rrezikut për të monitoruar performancën e portofolit të garancisë.
• Zhvillon dhe mirëmban Bazën e të Dhënave të Rasteve/Ngjarjeve të Rrezikut, për të menaxhuar rrezikun operacional në institucion.
• Zhvillon dhe zbaton strategji për zbutjen e rrezikut për të zvogëluar ndikimin e rreziqeve të identifikuara.
• Bashkëpunon me njësitë e tjera të punës në institucion për të siguruar respektimin e politikave dhe procedurave të rrezikut.
• Propozon masa për zbutjen e rrezikut për menaxhim më të mirë të rrezikut kreditor në portofol. 
• Siguron pajtueshmërinë me kërkesat rregullatore vendore dhe ndërkombëtare që lidhen me menaxhimin e rrezikut.
• Zhvillon dhe siguron zbatimin e standardeve të shëndosha të menaxhimit të rrezikut në institucion.
• Ndërlidhet me Bankën Qendrore të Kosovës dhe siguron bashkëpunim të ngushtë me ta.
• Bashkëpunon me palë të jashtme, përfshirë auditorët, rregullatorët dhe rrjetet e menaxhimit të rrezikut.

Kriteret / Aftësitë e kërkuara:

• Diplomë universitare përkatëse (diploma master është një plus);
• Së paku pesë vjet përvojë menaxheriale në bankë/ose IMF në Kosovë, në fushën e menaxhimit të kredive ose/dhe rrezikut operacional.  
• Njohuri dhe përvojë të jashtëzakonshme në fushën bankare, duke përfshirë dhe kuptuar kreditimin dhe kreditë e NVM-ve;
• Aftësi të shkëlqyeshme komunikimi me gojë dhe me shkrim në anglisht dhe shqip;
• Aftësi të forta analitike dhe të zgjidhjes së problemeve.
• Aftësi të shkëlqyeshme komunikimi dhe ndërpersonale.
• Njohuri për kërkesat rregullatore dhe praktikat më të mira të industrisë.

MËNYRA E APLIKIMIT: Kandidatët e interesuar të cilët i plotësojnë kushtet e lartëcekura mund të dërgojnë CV-të e tyre dhe dokumentet përcjellëse më së largu deri më date 25prill 2025, në adresën e e-mailit  [email protected] duke përcaktuar në subjekt pozicionin “Menaxher i Lartë i Riskut”.

MENAXHER I FINANCAVE

Qyteti: Prishtinë

Afati i Aplikimit: 25/03/2025 – 25/04/2025

Përshkrimi i detyrave te punës:

• Organizon, drejton dhe mbikqyr të gjitha funksionet e menaxhimit financiar dhe kontabilitetit brenda ndërmarrjes.
• Krijimin dhe përmirësimin e vazhdueshëm të njësisë së financave dhe kontabilitetit duke krijuar procedurat e nevojshme.
• Menaxhimi i aspekteve tatimore te kompanisë dhe koordinimi i punëve me Administratën Tatimore të Kosovës, auditorët etj.
• Organizon, mbikqyr dhe drejton funksionet e përgjithshme të njësise së financave dhe kontabilitetit,
• Ndihmon në përgaditjen e planeve strategjike, buxheteve dhe parashikimeve financiare, si dhe kontrollon në përgjithësi sistemet e menaxhimit financiar.
• Mbikqyr, koordinon dhe këshillon punonjësit brenda njësisë së financave dhe kontabilietit,
• Përgjigjet në kërkesat për raporte të ndryshme financiare, të kërkuara nga menaxhmenti i ndërmarrjes, rregullatori si dhe palët e treta (Bankat, Auditoret etj).
• Përpilon raporte mujore, tre mujore dhe përpilon pasqyrat financiare në varësi të kërkesave nga menaxhmenti.
• Si dhe kryen punë dhe detyra të tjera të përcaktuara nga menaxhmenti i kompanisë.

Kriteret / Aftësitë e kërkuara:

• Fakulteti Ekonomik, Drejtimi Banka dhe Financa (specializimi në fushën e financave dhe kontabilietit është përparësi).
• Kualfikimi profesional ne Kontabilitet (SCAAK ose ACCA) e domosdoshme së paku 2 nivele.
• Së paku tre (3) vite përvojë pune në fushën e menaxhimit të financave.
• Të posedojë aftësi menaxheriale dhe udhëheqëse.
• Të jetë fleksibil dhe i gatshëm për tu adaptuar me nevojat dhe kërkesat e ndërmarrjes.
• Të ketë kreativitet dhe iniciativa për të ofruar ide të reja në lidhje me procesin e punës brenda njësisë së financave.
• Të ketë aftësi për formulimin e strategjive financiare, raporteve financiare, politikave të kontabilitetit dhe procedurave të kontrollit të kontabilitetit, në përputhje me qëllimet dhe objektivat e ndërmarrjes, konform legjislacionit në fuqi.
• Aftësi shumë të mira analitike dhe organizative.
• Aftësi për zgjidhje të situatave komplekse.
• Aftësi të mira komunikative dhe prezentuese.
• Aftësi për të punuar në grup.
• Njohuri të shkëlqyeshme në Quick Books, Excel, Power Point, Word etj.
• Njohuri të gjuhës angleze.

MËNYRA E APLIKIMIT: Kandidatët e interesuar të cilët i plotësojnë kushtet e lartëcekura mund të dërgojnë CV-të e tyre dhe dokumentet përcjellëse më së largu deri më datë 25 prill 2025, në adresën e e-mailit  [email protected] duke përcaktuar në subjekt pozicionin “Menaxher i Financave”.

Deutsche Investment Fund IFIB i fton të gjitha palët e interesuara për të ofertuar në lidhje me blerjen e Automjetit të sekuestruar, sipas ftesës për ofertë më numër 01/2025.

Automjeti është i vendosur në parkingun e DIF, i cili gjendet në lokacionin; Prishtinë. Automjeti në shitje mund të shikohet nga palët e interesuara në datat: 27 dhe 28 Janar 2025, duke filluar nga ora 09:30h – 16:00h.

Oferta e nënshkruar, së bashku me kopjen e letërnjoftimit të ofertuesit, duhet të vendosen në një pliko të mbyllur me mbishkrimin “Ftesë për Ofertë Nr01/2025” dhe të dorëzohen në recepsionin e zyrës qendrore të DIF, me adresë; Rr. Garibaldi nr. 63 Prishtinë, jo më vonë se më datën 29 Janar 2025, ora 16:00h.

Të gjitha ofertat e pranuara me kohë do të shqyrtohen nga autoriteti përkatës i DIF. Fituesit do të përcaktohen sipas kriterit Oferta me çmimin më të lartë, dhe të njëjtit duhet që brenda pesë ditë pune (pas njoftimit nga DIF) t’i kryejnë pagesat e zotuara në ofertë.

Dorëzimi i automjetit të shitur do të bëhet vetëm pasi të jetë nënshkruar Kontrata e shitblerjes, dhe pasi të jetë realizuar pagesa sipas ofertës së dhënë, respektivisht kontratës së shitblerjes.

Kategoria:	Përshkrimi i detajuar:	Çmimi ofertues
1	Audi 4G me nr te shasisë WAUZZZ4G3DN055119, me ngjyrë të hirit metalike, viti i prodhimit 2012

Vërejtje!

1. Nëse ofertuesi me ofertën më të lartë nuk i shlyen pagesat e zotuara sipas zotimit të tij më së largu brenda 5 ditë pune nga momenti kur është njoftuar, DIF mban të drejtën që ofertën e të njëjtit ta injoroj dhe ofertuesin ta konsideroj si person/entitet jo serioz për të bashkëpunuar në të ardhmen.
2. Të dhënat e ofertuesit duhet të jenë të plota dhe të sakta, në mungesë të informatave të kërkuara, oferta mund të anulohet apo mos të konsiderohet fare!
3. DIF rezervon të drejtën e shtyerjes, anulimit të procesit të shitjes, pa pasur nevojë për të ofruar sqarime shtesë palëve të interesuara.